首先嚟個post希望可以比到一啲正確對藥物健身嘅知識各位。令有意接觸steroids嘅人有一個正確嘅心態，對cycle成果有合理嘅期待。一定有人會講點解要用藥，損害健康，又唔係比賽。每人有唔同睇法，所以我希望通過經驗分享下比啲有興趣或者想瞭解嘅朋友。
好啦廢話唔多講，首先講下咩係一個cycle。cycle顧名思義就係循環，係一個用藥嘅步驟，其中可以細分做兩個部分。第一個部分就係實質使用藥物嘅過程，第二個部分就係PCT。請大家注意，大部分人認為落藥嘅過程係最重要，無可否認落藥可以帶嚟增長，不過PCT嘅質素完全主宰你可以保留幾多cycle嘅成果，所以PCT係所有cycle中最重要及不可或缺嘅一個部分。如果有任何人同你講唔須要PCT請同佢絕交。
OK講下第一個部分。落藥！首先藥物進入身體嘅方式主要有兩個，第一就係通過消化系統，姐係口服嘅方式。第二個就係通過肌肉注射嘅方式。
口服藥物有常見嘅 Dianabol, Turinabol, Anavar, Anadrol 等。口服藥物能夠迅速被身體吸收使用，所以藥物停留響身體嘅時間比較短。口服通常會響一日內平均分開服用，例如早午晚。不過迅速吸收嘅代價就係會帶嚟肝毒性，因為口服藥物經過化學改造（17 alpha alkylation)令佢可以避開消化系統分解，被吸收。正因為口服會造成肝毒素所以口服安全使用時間唔建議連續超過8星期，並且最好控制在6星期以內。
針劑常見藥物有 Testosterone, Nandrolone, Trenbolone等大家族。全部都係睾丸酮嘅合成衍生物。Testosterone係一種男女身體本來已經存在嘅物質，佢嘅濃度係控制你身體肌肉增長速度嘅其中一個重要因素。Testosterone本來自身半衰期十份短（1.5小時），意味著好快被身體代謝並且排出，效果維持唔持久，如果想維持睾丸酮水平平均令肌肉可以持續受刺激，意味著需要每1個鐘就打一次針。好明顯冇人會咁做，所以就衍生咗增加支鏈嘅辦法。支鏈就係 Enanthate, Propionate, Decanoate 等跟響大家族名稱後面嘅用語，例如 Testosterone Enanthate, Nandrolone Decanoate 組成我哋常見嘅藥名。
咁可能你會問到底啲支鏈有乜用？支鏈就係延遲藥物比代謝嘅手段，因為身體需要清除支鏈，先至可以將藥物代謝，代表藥物會響身體入面停留一段更加長嘅時間！Hell Yeah! 咁就可以隔一段耐啲嘅時間先至再次注射，達到減低注射指數又可以令身體平均吸收嘅效果。例如 Enanthate 就會有大約4-5日嘅半衰期，姐係一星期只需要注射兩次！
因為針劑比口服相對安全，再加上藥物需要用更加長時間先可以達到峰值，所以一般針劑使用長度會由10星期起跳，至通常嘅12星期，甚至16-20星期。
以下落嚟我要分享嘅嘢非常重要，就係PCT。PCT係一個cycle中嘅靈魂，需要配搭得好，先至可以幫助身體最大程度恢復。我要強調十分重要，好多人以為第一個cycle就可以唔洗PCT，嚟個諗法係完全錯誤。冇錯，雖然身體會自然恢復，不過用嘅時間好長，可以半年甚至幾年，甚至唔會回復。所以處理好PCT決定咗cycle嘅成果。
首先點解要PCT？因為cycle中使用嘅藥物，大部分係睾丸酮或者佢嘅合成衍生物，身體會當作睾丸酮處理，當有超過平常水平嘅睾丸酮（外源睾丸酮）出現係血入面，身體有兩個反應。第一就會減低自身睾丸酮分泌，第二就係加快將睾丸酮轉雌。而PCT集中處理第一個反應。而第二個反應有獨立應對方式，就係抗雌，不過篇幅好長所以會分開一個post講。當身體發現有大量外源睾丸酮，就會比signal你粒蛋，叫佢減少分泌！好多人誤會係完全停止分泌，係錯誤的，只係會減少分泌，而減少幾多就因應唔同藥物而定。OK當cycle完結後，外源睾丸酮逐漸被身體代謝離開身體，自身睾丸酮分泌又低下嘅情況之下就會出現睾丸酮高低嘅情況。嚟個情況係絕對唔想出現的，因為高低睾丸酮濃度會出現肌肉流失，荷爾蒙失調嘅情況發生。嚟個時侯就需要PCT藥物例如最常見嘅 Clomid, Nolvadex ,HCG 等去喚醒身體分泌睾丸酮，令睾丸酮濃度回復正常水平，維持肌肉質量。
最普遍嘅做法就係cycle用藥12星期，之後隔一星期開始PCT，維持1個月。每個cycle組合唔同嘅藥物需要配搭唔同嘅PCT藥物。最安全嘅做法就係PCT完結後休息你用藥嘅時間，先至再開始下一個cycle，令身體可以恢復，又唔會令自身睾丸酮受到長期壓抑。
Comments