Anabolic Steroids系列第三部曲 - 副作用？縮蛋？爆肝爆腎？

今次第三篇嘅主題就係使用合成類固醇Anabolic Steroids常見嘅副作用。其實一講副作用好多人只係諗到壞嘅副作用。你可能會話：吓乜落嘢都有好嘅副作用既咩？？冇錯，今個post就係想分享下Anabolic Steroids所帶嚟壞嘅副作用，好嘅副作用會分開一個post講。 首先先講下壞嘅副作用。好多人聽到落藥就會自然將暗瘡，縮蛋，爆肝爆腎連結埋一齊。其實普遍人有嚟個諗法屬正常，因為懂得正確控制劑量同埋抵銷副作用係一門深奧嘅學問，需要有經驗同埋適當嘅知識。以下大部分所講嘅副作用都係用藥劑量不當，或者冇採取適當嘅控制措施所導致。大部分副作用係可以避免及用適當方法將影響減至最低。 1. PIP post Injection pain 注射後腫痛 如果有使用過針劑經驗嘅人就會知道，肌肉注射後，肌肉會有腫痛，腫痛嚴重情況因人而異。PIP可以因為唔適當嘅注射技巧，注射前冇足夠消毒，注射用具唔清潔等等情況引起。不過排除所有人為因素，最大嘅原因係因為注射物濃度過高，導致藥物吸收不良，出現晶體，令肌肉腫痛。用 Testosterone Enanthate為例子，市面上常見嘅濃度有250mg/ml ，300mg/ml 及 500mg/ml。分別支每毫升嘅溶劑入面有 250，300，500毫克嘅睾丸酮。當溶劑經過注射進入肌肉，肌肉會傾向首先吸收溶劑，再吸收溶解物姐係test。濃度越高，遺漏響肌肉嘅溶解物越多，當溶解物失去溶劑，就會結晶。微晶體嘅形成會響肌肉造成腫痛。所以濃度越高，造成PIP嘅機會就越高。PIP嘅避免方法可以係盡量用熱水助熱啲油劑，先至再注射。可以避免響臨訓前注射，導致注射部位於休息時間血流不足，及停留同一位置太耐。 2. 暗瘡 暗瘡應該好多人會有，不過在使用藥物期間出現嘅暗瘡表示有環節做得唔夠或者完全被忽略。爆一兩粒暗瘡響背脊心口或者膊頭屬於正常，不過當暗瘡大量出現，並且集中響心口，下巴面俠，背脊就表示出現問題，係警號。其中最大可能就係體內雌激素過高，導致荷爾蒙失調，油脂分泌極其旺盛。最大可能嘅原因係cycle期間抗雌不足或者完全欠缺。當你發現出油嘅情況嚴重，就需要加強AI Aromatase Inhibitor嘅劑量。假如暗瘡已經形成，AI只能夠防止繼續惡化，需要配合口服A酸治療已經形成嘅暗瘡。 3. 縮蛋 其實縮蛋情況響正常cycle期間亦都會發生，不過大約只會縮20%有人講話會縮到變粒米，其實用下常識都知道響12星期內無可能發生，肌肉萎縮就算半年唔郁，小腿肌肉都唔會縮到變廚師腸啦下話。只要響cycle之後使用PCT藥物，睾丸酮分泌回復正常水平，粒蛋嘅size就會回復到cycle之前。的確，如果進行 Blast and Cruise係會令粒蛋完全停止分泌。不過唔係一個正確嘅使用方法，所以不作詳細討論。PCT嘅重要性已經響第一篇講過，未睇嘅朋友歡迎去睇睇。 4. 女乳 Gyno Gynecomastia 女乳症，簡稱Gyno，bitch tits，好多種形容詞。意思就係胸部組織發育。嚟個情況相信係各位最唔願意發生。某啲人對雌激素特別敏感既話，會非常容易出現女乳症。主要成因就係身體長期暴露響高水平嘅雌激素，導致胸腺及乳頭受體受刺激而生長，開始發育出乳房。初期症狀會有乳頭變敏感，繼而乳頭底下出現硬塊，如果再唔正視或者處理，乳房就會開始發育。當硬塊一成型，就好難去除，或者需要手術切除。當然將雌激素水平控制，就唔須要擔心嚟個問題。 以上4個係普遍使用類固醇嘅副作用，其實只要cycle期間做足防護手段，cycle後有一個完整嘅PCT，及比身體足夠嘅時間休息恢復，大部分副作用都係可以控制響可接受範圍。 最後講一句：用藥係自己決定，不過請各位用藥之前確保清楚自己擁有正確嘅知識同埋響正確嘅指導下使用！用藥須要響有經驗嘅人士下指導，先至可以得到最大成果，同埋需要確保藥物來源係值得信賴。 #FasterBiggerStronger