今個Post嘅主題係點先至有資格落嘢？嚟個問題相信好多人都有思考過，亦都有非常之多嘅答案。其中最多人認同嘅其中一個就係：去到natural極限。我個人對嚟個講法有保留，原因會遲少少解釋。
響思考應該幾時進入藥物嘅世界嘅之前，我認為一點非常重要，就係你首先需要確認自己在3大因素，1：訓練強度 ，2：飲食 ， 3：作息。三大方面都已經處理好嘅時侯你先至有資格去思考幾時用藥。如果連最基本肌肉增長3大基石你都未處理好，你連思考使用藥物嘅資格都冇。當你3方面有最少一樣未處理好，你再加入藥物，只會有一個後果：就係浪費金錢同時間。
重申一次：當你連訓練，飲食，作息都未處理好嘅時侯，你連思考幾時使用藥物嘅資格都冇。
當你響3大基石已經處理好，就可以思考用藥或者唔用藥。我個人唔係鼓吹使用藥物，不過我認為無論有冇用藥，都需要付出極大嘅努力同極多嘅時間。
講到最多人贊同嘅意見，就係去到natural極限。不過有一個好關鍵嘅問題：何謂極限。如果將極限定義為1，natural就係用盡任何方法無限趨近1，可能係0.9，可能係0.99，當你覺得自己已經到達極限，你再俾心機玩多年，多咗2磅純肌肉，相對嘅極限標準又再次提升。可能我講到一舊舊，不過想帶出嘅訊息就係你無可能知道你無可能到達你嘅極限，就算接近，都只會用一個極慢嘅增長去接近。 我並不是各位，我亦都唔能夠確切畫出一條線，去指明你過咗某個標準，你就可以落藥。落藥與natural，係自己嘅決定，無可否認藥物係可以為你帶嚟natural無可能體驗到嘅爆炸性增長。
當各位思考緊到底應該落咩藥嘅時侯，希望大家首先確定自己響3大基石分別係訓練，飲食同埋休息方面已經掌握。
有人可能會問：我已經操咗4年，可以落嗎？我唔同意使用訓練年數作為衡量指標，because you can train for four straight years and still look like shit. 落唔落藥，需要自己衡量清楚，先至作決定！
תגובות