因為有為數不少嘅人查詢SARMs嘅用途同埋劑量建議，我必須表明我個人係絕對反對任何SARMs嘅使用，詳細原因會在下文分析。
OK今次可以直入主題，SARMs係一種非常危險嘅物質（注意SRAMs並不是藥物），絕對唔建議任何人使用任何SARMs或者宣稱含有SARMS嘅保健物。詳細原因會響下面列出，不過首先等我哋了解下咩係SARMs。
SARMs 全名就係 Selective Androgen Receptor Modulators 選擇性雄激素受體調節劑。其中嘅“選擇性”就係受到四方八面追捧嘅主要原因。由於傳統類固醇例如Testosterone睾丸酮，會對身體內所有雄激素受體結合，包括前列腺及肝臟等等對肌肉生長冇直接關係嘅組織。SARMs嘅“選擇性”經常被宣傳作能夠模擬傳統類固醇對肌肉生長嘅刺激，而又減少甚至撇除對其他組織嘅不良影響，同時唔會影響雌激素水平，唔須要PCT，唔須要抗雌，唔會水腫，唔須要打針，只要極少劑量，肝毒素為0，非常安全，有效增加骨骼密度，容易被身體完全代謝。SARMs被捧上神枱，被人塑造成完美嘅健身藥物。
不過現實有冇咁美好？SARMs係咪真係咁夢幻？等我哋一齊分析下
世界上第一種非類固醇SARMs於1998年推出［1］當時製造非類固醇嘅SARMs係希望撇除類固醇類雄激素如睾丸酮嘅負面副作用，例如令雌激素水平急升及男性乳房發育症。不過由1998年推出至今，仍然未有一隻SARMs係通過第二期臨床試驗，簡稱基本上所有SARMs已經被各大藥廠放棄研究。
假如唔清楚臨床試驗階段我將會我輕輕講解。
第一期人體試驗，目標係探討藥物的吸收、分布、代謝及其於體內作用的時間。測試人數由個位數到十位數不等，人數通常不多。
第二期試驗，係對藥物療效及進一步的安全性作評估。證明藥物確實可以有效治療此疾病。期間亦都會繼續評估藥物嘅安全性、所產生嘅副作用，同時會決定出最佳劑量、用法同埋給用藥間隔。
第三期試驗亦都係藥物被批准上市前的最後驗證性研究。
根據美國食品藥物管理局FDA，FDA從來沒有批准過任何一種SARMs作為新藥發售，FDA更加於2017年10月發信警告3間位於美國嘅SARMs生產商［2］摘錄自該信中翻譯：未經FDA批準，含有SARMs的健身產品有重大安全隱憂，其中包括增加心臟病風險及對肝臟等器官帶來重大損傷。
2018年美國頒下SARMs管制法，將權力授予美國緝毒局DEA，打擊所有美國境內生產SARMs嘅工廠。管制法亦都將SARMs，及SARMs嘅所有衍生物都劃入第三類管制藥物，任何人製造，管有，販賣，出入口SARMs都視為犯法。
其實所有SARMs嘅藥物專利權都屬於大藥廠，其實睇佢哋嘅命名就知道其中大家熟悉嘅LGD開頭嘅藥物就係屬於Ligand Pharmaceuticals 佢哋嘅 LGD2226，LGD2941已經響進行第一個階段臨床實驗後被放棄
Bristol-Myers Squibb BMS564, BMS929 響第一階段臨床實驗中俾發現佢對自身睾丸酮既壓抑情況比同等份量嘅外源睾丸酮高33倍
Merck & Company MK2866 係少數能夠批准進入第二階段試驗嘅SARMs之一，不過亦都響第二階段止步，未能夠進入第三階段。
其中令試驗終止嘅原因無從知曉，本人推測原因可能有以下2個：
1. SARMs對身體傷害比傳統藥物相同甚至更加嚴重。其實可以由SARMs管制法中睇得出DEA對SARMs嘅重視，決定嘅決心打擊對SARMs嘅毒性有另類暗示。
2. SARMs實質效用不大，令藥廠睇唔到投資回報，繼而放棄研究。藥廠每年投入億計美金研究新藥，其餘一隻藥物達唔到當初研究目的成效，無謂繼續浪費時間研究。
其中認為第一個機會比較大，有一份研究報告指出［3］“於試驗者血液中不能找到相關SARMs的代謝物”簡稱SARMs永遠留在體內。各位能夠想像一種不知名物質響你身體入面永遠停留嗎？正常藥物Testosterone base 為例子，半衰期為1.5小時，代表著由注射一刻開始計算，一日之內所有藥物會經過身體代謝然後影個肝臟或者尿液排出體外。SARMs就係永遠留響體內。
而家美國境內已經冇藥廠再生產SARMs，取而代之嘅係內地大量生產嘅仿製SARMs，並且用一個保健品嘅身份推出市場，市場上充斥住用保健品作為包裝嘅內地製造SARMs。普通人並沒有任何辦法去判斷SARMs嘅真偽。對身體帶嚟嘅傷害更加係冇人知道。
總括而言，SARMs係一種未知，未經研究證實有任何效用嘅危險物質。建議用緊嘅朋友即刻停止，聯絡醫生，諗住用嘅朋友即刻打消念頭。奉勸所有諗住用藥嘅朋友，小心查證手上嘅藥物，進入身體嘅嘢始終都要有一定了解。
其餘各位真係想使用藥物，請用傳統嘅藥物，並且切勿相信有完美藥物嘅存在，傳統藥物經過大量研究，對比。已經有大量研究提供參考，有明確嘅好處同埋清晰嘅副作用，
最後講一句：用藥係自己決定，不過請各位用藥之前確保清楚自己擁有正確嘅知識同埋響正確嘅指導下使用！用藥須要響有經驗嘅人士下指導，先至可以得到最大成果，同埋需要確保藥物來源係值得信賴，始終係進入身體嘅藥物，質量必須要非常之高。
Comments