今次嘅主題就係最大化保留cycle成果。
首先單刀直入正題，事實上係無可能100%保留所有cycle中增長嘅成果。不過普遍嚟講如果訓練，飲食，休息不變，可以keep到7-8成cycle中嘅增長。
可以影響保留成果嘅因素太多，而家我會列出影響力最大嘅幾個因素。
1：PCT
PCT無庸置疑係影響力最高，亦都係最重要嘅一個因素，假如你冇做好PCT甚至完全冇PCT，我可以保證你cycle期間嘅增長將會係停藥之後半年內慢慢消失。cycle期間會將外源睾丸酮注射入身體，因為血液中有過量嘅睾丸酮存在，所以身體會降低自身睾丸酮分泌。當cycle完結，身體缺乏外源睾丸酮支持，自身又缺乏足夠睾丸酮分泌，血液中嘅睾丸酮濃度會下跌。睾丸酮濃度過低有機會造成肌肉流失，水腫，集中力不足，四肢無力，性慾低下等症狀。症狀會維持至睾丸酮恢復正常水平為止。可惜缺乏PCT等藥物嘅刺激，身體難以靠自然分泌回覆正常水平，理論上身體會慢慢恢復，不過過程須時，當自然恢復到正常水平嘅時侯，cycle中嘅增長可能已經完全流失，甚至比cycle之前更加少，有負增長情況出現。
2：正確藥物種類及正確使用方法
選用一啲正確/轉雌率比較慢及低嘅藥物絕對會對cycle後能夠保留多少成果有關鍵性作用。用口服Dianabol作例子，dbol本身作為一種口服藥物，佢嘅半衰期已經非常短，大約2.5小時，同時dbol係一種轉雌率極高效嘅藥物。dbol大約12小時後就會被身體完全代謝。假如冇正確嘅服藥時間同注射時間嘅配合，身體入面嘅睾丸酮濃度就好似過山車咁，突然濃度好高，之後短時間內回復至低水平。嚟個過程不但對肌肉增長毫無幫助（因為需要一個穩定水平輔助肌肉生長），更加會刺激身體加快轉雌過程，更加增加prolactin, progesterone等只會增加副作用嘅荷爾蒙產生。導致身體水分增加，俗稱水腫，積水。所以當用嘅藥物不當或者使用方法不當，會令cycle中增加嘅重量會大部分屬於多餘嘅water weight。而water weight會在cycle完結時第一時間流失，造成cycle成果流失嘅假象。
3：cycle後冇保持適當訓練強度/適當飲食/足夠休息
相信肌肉增長3大最主要基石大家已經聽過無數次，藥物只不過會放大3大基石嘅增長效果。不過當cycle完結後，冇適當保持3大基石，例如：
訓練強度減少：訓練Total volume減少，hea操
飲食控制不嚴格：亂食嘢，食唔夠蛋白質
休息不足：夜訓，缺乏休息規律
等等因素，都會造成cycle後肌肉流失
cycle完結後本應係最需要謹守3大基石嘅時侯，亦都係最容易出錯嘅環節，所以任何人希望於cycle後保持成果，都應該無時無刻謹守3大基石，唔好因為cycle完結而掉以輕心或者唔加以專注。
希望各位於疫情期間保持訓練習慣！
最後講一句：用藥係自己決定，不過請各位用藥之前確保清楚自己擁有正確嘅知識同埋響正確嘅指導下使用！用藥須要響有經驗嘅人士下指導，先至可以得到最大成果，同埋需要確保藥物來源係值得信賴，始終係進入身體嘅藥物，質量必須要非常之高。
コメント