今篇嘅重點就係合成類固醇嘅好處！其實將好處放到第四篇先至講而唔係一開始就講嘅原因就係希望可以先將壞處同埋風險表明，防止有人見到類固醇嘅好處就胡亂考慮使用藥物，響前三篇嘅指導下，可以開啟進入Anabolic Steroids嘅世界！
基本上無論你嘅要求係增加肌肉量，增加力量，定係收線條，類固醇可以一次過滿足你3個願望。
肌肉量
基本上大部分人使用類固醇嘅目的就係希望響短時間之內獲得超乎正常人類所能夠獲得嘅肌肉。類固醇能夠大大增加肌肉合成量。一個正常30歲嘅男性每日大約會分泌4-10mg嘅睾丸酮，而女性就會大約分泌0.1mg ，青少年發育期期間生產有機會大幅提升20倍(1)。當你每星期注射400mg Testosterone Enanthate, 扣除45%支鏈重量，等同220mg Testosterone Base每星期，比起自然分泌嘅每星期28-70mg高3-8倍。所以理論上你可以cycle期間用3-8倍嘅肌肉增生速度去增加肌肉。當然假如你年紀越大，自身睾丸酮分泌越嚟越少嘅時侯，肌肉量亦都越難越維持，年紀大少少嘅朋友就會明白。2013年有一個對需要接受血液透析治療患者嘅口服類固醇實驗(2)，87個患者中有43人參加實驗，其中一組響連續24星期每日服用50mg嘅Anadrol，另外一組就係服用安慰劑。24星期結束後，服用Anadrol嘅患者平均增加咗2.59kg嘅肌肉量，響服用Anadrol嘅人入面更加有一個因為大量增加肌肉量而響第10星期退出研究。服用Anadrol嘅實驗當中亦都有對於體脂及肌肉力量變化嘅記錄，不過會留待下面嘅部分去講解。兩組病人嘅飲食餐單係完全一致。所以類固醇可以為你帶嚟肌肉增長，甚至響你冇重量訓練嘅情況底下，都可以增加純肌肉。
力量
合成類固醇能夠為你帶嚟大量嘅力量增長，一部分歸功於增加嘅肌肉纖維橫切面積。同一個研究入面，患者需要接受手握力測試，服用Anadrol嘅患者24星期後手握力進步咗9-18%！而服用安慰劑嘅患者就完全冇任何變化。合成類固醇能夠為你帶嚟力量增長，就算響你冇訓練嘅情況底下亦能夠有進步。
體脂
Anabolic Steroids能夠有效減少體脂。請注意，減少體脂同埋消脂係兩個概念，專業嘅cycle用家係由本來嘅12%體脂減至8%或者更加低。並唔係由45%減至12%，類固醇會幫助減少脂肪，不過絕對唔係減肥藥。又講番個患者研究，經過24星期，服用Anadrol嘅患者平均減少咗1.32kg嘅體脂，所有患者餐單同實驗研究開始之前係完全冇分別。
需要注意嘅係，以上研究只係單獨使用一種口服嘅合成類固醇，並且飲食同埋重量訓練方面係完全欠缺。50mg每日嘅 Anadrol屬於正常劑量，假如cycle期間配合針劑及高蛋白飲食及重量訓練，增長可以十分明顯，對於一個正確cycle嘅用法可以參考番我第一篇。
正常人對第一個cycle嘅合理期望：
我用160磅作標準，假如已經有3年重量訓練經驗，日常作息正常，均衡飲食。第一個cycle使用 Testosterone Enanthate 400mg/week for 12 weeks
Turinabol 40mg/week for 6 weeks
12星期cycle完結後配搭一個完整嘅PCT，相信可以期待10-15磅肌肉嘅純增長，並且體脂可以減少2-3%
以上係結合多年使用經驗及綜合身邊使用藥物人士嘅經驗，並不代表一切。
類固醇3大好處就係我以上所分享，當請各位使用藥物健身之前衡量清楚利弊。
最後講一句：用藥係自己決定，不過請各位用藥之前確保清楚自己擁有正確嘅知識同埋響正確嘅指導下使用！用藥須要響有經驗嘅人士下指導，先至可以得到最大成果，同埋需要確保藥物來源係值得信賴，始終係進入身體嘅藥物，質量必須要非常之高。
Comentários